Jer 39 | Ndebele | STEP | Ngomnyaka wesificamunwemunye kaZedekhiya inkosi yakoJuda, ngenyanga yetshumi, kwafika uNebhukadirezari inkosi yeBhabhiloni lebutho lakhe lonke, bamelana leJerusalema, bayivimbezela.

Jeremiah 39

Ukunqotshwa kweJerusalema

1 Ngomnyaka wesificamunwemunye kaZedekhiya inkosi yakoJuda, ^a ngenyanga yetshumi, kwafika uNebhukadirezari inkosi yeBhabhiloni lebutho lakhe lonke, bamelana leJerusalema, bayivimbezela. 2 Ngomnyaka wetshumi lanye kaZedekhiya, ngenyanga yesine, ngolwesificamunwemunye lwenyanga, umuzi wafohlelwa. 3 Zonke iziphathamandla zenkosi yeBhabhiloni zasezingena, ^b zahlala esangweni eliphakathi, ^c oNerigali-Sharezi, uSamiganebo, uSarisekimi, uRabisarisi, ^d uNerigali-Sharezi, uRabimagi, ^e lazo zonke ezinye iziphathamandla zenkosi yeBhabhiloni.

4 Kwasekusithi lapho uZedekhiya inkosi yakoJuda ^f lawo wonke amadoda empi bezibona, babaleka, baphuma emzini ebusuku ngendlela yesivande senkosi, ngesango eliphakathi kwemiduli emibili; waphuma ngendlela yamagceke. 5 Kodwa ibutho lamaKhaladiya laxotshana labo, lamfica uZedekhiya emagcekeni eJeriko; selimbambile lamenyusela kuNebhukadinezari inkosi yeBhabhiloni eRibila, elizweni leHamathi, ^g owakhuluma izigwebo ezimelene laye. ^h 6 Inkosi yeBhabhiloni yasibulala amadodana kaZedekhiya eRibila emehlweni akhe; ⁱ inkosi yeBhabhiloni yabuya yabulala zonke izikhulu zakoJuda. ^j 7 Yasiphumputhekisa amehlo kaZedekhiya, yambopha ngamaketane ethusi amabili ukuze imuse eBhabhiloni. ^k

8 AmaKhaladiya asetshisa indlu yenkosi lezindlu zabantu ngomlilo, ^l adilizela phansi imiduli yeJerusalema. 9 Lensali yabantu eyayisele emzini, lalabo ababehlubukile, ^m ababehlubukile kuyo, lensali yabantu eyayisele, uNebuzaradani induna yabalindi yabathumba yabasa eBhabhiloni. 10 Kodwa uNebuzaradani induna yabalindi watshiya elizweni lakoJuda ebantwini ababengabayanga ⁿ ababengelalutho, wabanika izivini lamasimu ngalolosuku.

11 UNebhukadirezari inkosi yeBhabhiloni waselaya ngesandla sikaNebuzaradani induna yabalindi ngoJeremiya esithi: 12 Mthathe, umise amehlo akho kuye, ungamenzeli ulutho olubi, kodwa njengokukhuluma kwakhe kuwe wenze njalo ngaye. 13 Ngakho bathuma oNebuzaradani induna yabalindi, loNebushazibani, uRabisarisi, loNerigali-Sharezi, ^o uRabimagi, lazo zonke induna zenkosi yeBhabhiloni, ^p 14 bathuma, bamthatha uJeremiya egumeni lentolongo, ^q bamnikela ^r kuGedaliya, ^s indodana kaAhikhamu, indodana kaShafani, ^t ukuze amkhuphe amuse endlini yakhe. Wasehlala phakathi kwabantu. ^u

UEbedimeleki uzakhululwa yiNkosi

15 Ilizwi leNkosi laselifika kuJeremiya esavalelwe egumeni lentolongo, ^{v
,} ^w lisithi: 16 Hamba ukhulume kuEbedimeleki umEthiyophiya ^x uthi: Itsho njalo iNkosi yamabandla, uNkulunkulu kaIsrayeli: Khangela, ngizakwehlisela amazwi ami kulumuzi ngokubi ^y kungeyisikho ngokuhle, ^z njalo azakuba phambi kwakho ngalolosuku. 17 Kodwa ngizakophula ngalolosuku, itsho iNkosi, njalo kawuyikunikelwa esandleni sabantu obesabayo. ^aa 18 Ngoba ngizakukhulula isibili, kawuyikuwa-ke ngenkemba, kodwa impilo yakho izakuba yimpango kuwe, ^ab ngoba uthembele kimi, ^ac itsho iNkosi.